Заманауи техника — сапалы жұмыстың негізі. Жеке кәсіпкер Ерман Биекеевтің мекемесі таяуда офсетті баспа станогін сатып алып, түрлі баспа қызметін орындауды қолға алды. Оларға кәсіпкерлерге қызмет көрсету жақсы қолдау көрсетті. Бір сөзбен айтқанда, қаржы табуда көмектескен.
Ерман Биекеев, жеке кәсіпкер: «Осы уақытқа дейін біз үшін несиені алу мүмкін емес болғандықтан, өз қаржымызбен оны-мұны сатып алып жүргенбіз. Кәсіпкерлерге қызмет көрсету орталығының субсидия беруде көмек беретінін бұрыннан да білетінмін. Осы ретте орталықтың көмегін пайдалануды ұйғарып, қаржыландыру көзіне қол жеткіздік. Соның арқасында бүгінде баспаханамыз осындай дәрежеге жетіп, деңгейіміз жоғарылады».
Берік Кенжебаев, облыстық КҚКО баспасөз хатшысы: «Ай сайын кәсіпкерлерге қызмет көрсету орталығы арқылы 1 миллиард теңгеге 40 жаңа өндіріс орындары ашылып тұрады. Онда 2 мыңға жуық жаңа жұмыс орындары бар».
Осы уақытқа дейін кәсіпкерлерге қызмет көрсету орталығының көмегіне 14 мыңнан аса адам жүгініпті. Орталық өкілдерінің сөзінше, солардың басым бөлігіне тиісті көмек берілген.
[youtube]http://www.youtube.com/watch?v=2eOQuZ3ZqWw[/youtube]
