Шымкентке Кореяның «КИА Motors» автокомпаниясының жаңа өнімдері жеткізілді. Бүкіл отбасымен қыдыруға қолайлы әмбебап көліктердің сапасы мен сұлулығын бағалау мүмкіндігі жерлестеріміздің баршасына бұйырып отыр.
Тимур Назаров, «Бипэк Авто Қазақстан» ЖШС ШФ іс басқарушысы: «Алғаш рет бес есікті KIA Carens Париждегі соңғы автошоуда көпшілік назарына ұсынылған еді. Енді Оңтүстік жұртшылығына таныстырып жатырмыз. KIA Carens-тің ішкі бөлшектері жаңа технологиямен жасалған. Көп тізімнен тұтынушылар үшін осындай қызықты және үлкен мүмкіндіктері бар үлгілерін ұсынып отырмыз. Бұл көлікте желдеткіш, көз тартатын сұлу шатыр, жолаушыларға арналған әмбебап орындықтар, жүксалғышында жарық шамы бар».
Жерлестірмізге KIA Сarens-тің төрт түрі ұсынылып отыр. Олардың барлығына көлемі 2 литрлік қозғалтқыш күш береді және 150 аттың күші бар. Бұған қоса, 7 жайлы орындықпен қатар 6 сатылы жылдамдық ауыстырғышы да үйлескен.
Өткен жартыжылдықтың өзінде елімізде KIA автокөліктерінің сатылымы 2 есеге артқан. Өңіріміздегі ресми дилердің мәліметінше, енді KIA компаниясы алдағы уақытта да жаңа өнімдерін алғашқылардың бірі болып, Оңтүстікке әкелуге уәде беріп отыр.
[youtube]http://www.youtube.com/watch?v=frS1O-_wtws[/youtube]
