Шымкенттің 35 жастағы тұрғыны сотталды. Ол Шәмші Қалдаяқов көшесіндегі пәтерін жезөкшелерге жалға берген. Тәртіп сақшылары өткізген рейд кезінде осы пәтерде тәнін сатумен айналысатын 3 бикеш ұсталды. Түнгі көбелектерге қатысты әкімшілік хаттама толтырылды. Ал жынойнаққа айналған пәтердің иесіне 174 000 теңге көлемінде айыппұл салынды.
Шәмші Қалдаяқов көшесінің тұрғындары жалдамалы пәтерлерде жиі боп тұратын ұрыс-керіс пен жағымсыз дауыстардан шаршаған. Олардың басты қауіптенетіні — мұндай ахуал осы маңда тұратын балалар мен жасөспірімдерге теріс әсер етуі әбден мүмкін.
[youtube]http://www.youtube.com/watch?v=x9aq_5Z48Ow[/youtube]
Қазіргі таңда құқық қорғаушылар пәтерлерді жалға беру мәселесін қатаң бақылауға алған. Олар күнделікті тексеру жұмыстарын жүргізу барысында жалға берілетін пәтердің иелерін анықтап, есепке қояды.
