Шымкент қаласы әкімдігі мен «Отырар» телеарнасының ұжымы қала күніне орай «Шымкентше караоке» сайысын ұйымдастырды. Мерекелік кешке қаламыздағы үш аудан әкімдігі және ОҚПУ, «Отырар» телеарнасынан құрылған командалар қатысты. Әр команда 5 адамнан тұрады. Қатысушылар караокеде түрлі жанрдағы әндерді орындап, өнерлері әділқазылардың берген ұпайы бойынша бағаланды.
Сонымен, әділқазылардың 3 кезең бойынша берген бағасы нәтижесінде 1-орынды «Отырар» телеарнасының командасы иеленді. 2-орынды Оңтүстік Қазақстан педагогикалық университетінің әншілері ұтса, 3-орынға Әл Фараби аудандық әкімшілігінің командасы тұрақтады. 4-орын Абай аудандық әкімшілігіне бұйырса, 5-орынды Еңбекші аудандық әкімшілігінің командасы қанағат тұтты.
[youtube]http://www.youtube.com/watch?v=RvPPXCYiWrY[/youtube]
