Шымкент қаласының туған күні қарсаңында «Нұрсәт» шағынауданынан №3 емхана ашылды. Салтанатты түрде тұсауы кесілген мекеме жаңа диагностикалық құрал-жабдықтармен қамтамасыз етілген. Атап айтсақ, сәулелік (маммографияны қосқанда), функционалдық, эндоскопиялық, биохимиялық, иммунологиялық диагностикамен қамтылған.
Мекеме бір мезетте 500 науқасты емдеп, кеңес бере алады. Енді бұрын «Айқаптағы», 11-шағынаудандағы емханаларға қаралатын қала тұрғындары осында келсе болады.
Бес шағынауданның 40 мың халқына қызмет ететін орталықта 200-ден аса білікті дәрігер жұмыс істейді. Қалалық №3 емханаға «Нұрсәт», «Нұртас», «Түркістан», «Айқап», «Отырар» шағынаудандарының тұрғындары қаралып, ем-дом алатын болады.
Облыс әкімі Асқар Мырзахметовтың айтуынша, соңғы 4 жылдан бері өңірдегі денсаулық сақтау саласы аяққа тұрып келеді. Емхана-ауруханалар саны көбейіп, нәтижесінде ана мен бала өлімі мейлінше азайған. Бұл өз кезегінде мемлекет тарапынан облысқа жасалып жатқан қамқорлықтың айқын дәлелі болса керек.
[youtube]http://www.youtube.com/watch?v=2zRctd6FQEE[/youtube]
