Тағы да төрт түлікті құтқару операциясы! Шымкенттің құтқарушылар кезекті рет сәтті қимылдап, үй жануарын аман сақтап қалды. Бұл жолы апатты-құтқару жасағының кезекші бөліміне «Қайтпас-2» шағынауданының тұрғыны хабарласып, көмек сұраған. Үй иесінің айтуынша, ауласындағы шұңқырға сиыры құлап кетіпті.
Суыт хабар бойынша оқиға орнына құтқарушылардың кезекші тобы жедет аттанды. Олар келіп, алдымен сиырдың белінен арқан өткізіп алды.
Содан кейін кранның көмегімен сиырды көтеріп, сыртқа алып шықты.
[youtube]http://www.youtube.com/watch?v=ga0hBhUliNE[/youtube]
Абырой болғанда сиыр да, оның ішіндегі бұзауы да аман қалды. Құтқарушылардың бұл әрекетіне үй иесі риза болып, алғысын айтты.
