Таяуда Шымкенттің маңында қайғылы жол апаты орын алды. Сайрам ауданына апаратын жолдың үстінде КамАЗ және Газель көліктері соғысқан. Оқиға жолдың үстіндегі туннелдің қасында орын алды. Қатты соққының салдарынан Газель аударылып кеткен.
Оқиға орнына құтқарушылар, жедел жәрдем дәрігерлері мен полиция қызметкерлері келді. Өкінішке орай, Газельдің жүргізушісі алған жарақатынан жолдың үстінде тіл тартпай кетті. Ал КамАЗ-дың жүргізушісін дәрілергер ауруханаға алып кетті. Ол ауыр жарақат алған. Зардап шеккен азаматты кабинаның ішінен сыртқа шығару үшін арнайы құралмен темірді кесуге тура келген. Қазір қайғылы апаттың қалай орын алғанын полиция қызметкерлері анықтап жатыр.
[youtube]http://www.youtube.com/watch?v=DfLo_0GqSCY[/youtube]
