Шымкентте кезекті жол апаты тіркелді. Бұл оқиға Тұрар Рысқұлов және Шаяхметов көшелерінің қиылысында орын алған. Мұнда Шкода Октавия және ВАЗ көлігі соғысты. Куәгерлер Шкода көлігі бағдаршамның жасыл түсі жанып тұрғанда өтіп бара жатқан сәтте ВАЗ көлігі бір бүйірден шыға келген деседі. Сөйтіп, екеуі соғысқан. Қатты соққының кесірінен Шкода жолдың шетіндегі тұрған екі жаяу жүргіншіні қағып, сырғыған күйі арыққа түсіп кетеді. Жаяу жүргіншілердің бірі қатты жарақат алып, оны жедел жәрдем дәрігерлері ауруханаға алып кетті.
[youtube]http://www.youtube.com/watch?v=G98zv207MCs[/youtube]
Екі көлік те қаты бүлінді. Абырой болғанда жүргізушілері аман. Айта кету керек, көшенің қиылысында жедел басқару орталығына тиесілі бейне-бақылау камерасы бар.
