Шымкентте қыз зорлау әрекетіне тосқауыл қойылды. Бұл жайында қыздың өзі полицейлерге хабар берген. Ол өзіне күш қолданбақ болған азаматтың бетін қайтарып, қашып үлгеріпті. Оқиға орнына полиция қызметкерлері тез келді.
Арман Қалдыбеков, Шымкент ҚІІБ ЖПП 2-ротаның взвод командирі: «Республика даңғылының бойында кезекшілікте тұрған кезімізде бір азаматша жүгіріп, келіп көмек сұрады. Айтуынша, бір азамат пәтерге апарып, күш көрсету арқылы зорламақ болыпты.»
[youtube]http://www.youtube.com/watch?v=tMib2MvMsok[/youtube]
Тәртіп сақшылары күдіктінің түр-сипатын жәбірленушіден анықтап сұрап алады. Содан кейін оны іздеуге кіріскен. Сезікті көп ұзамай қолға түсті. Өзі ішіп алған секілді. Мастығын анықтау үшін тәртіп сақшылары қолға түскен азаматты наркологиялық тексеруге әкелді. Осы жерде қойылған сұрақтарға ол мардымды жауап бере алмады.
[youtube]http://www.youtube.com/watch?v=ANZ1GwZ8wRE[/youtube]
Ендігі мәселенің анық-қанығын тергеушілер анықтайтын болады.
