Жаңа жыл түні өртке оранған мешітте қайта жөндеу жұмыстары басталып кетті. Тілсіз жау Амангелді көшесінде орналасқан, көнеден келе жатқан Дәуітұлы Шыңғысбай қажы мешіті мен медресесіне әжептеуір шығын келтірген. Түн ішінде шатырын түгелдей өрт шарпып, медресе ғимараты жанған еді.
Бүгінгі таңда шығын толықтай есептеліп, жөндеу жұмыстары жүргізілуде. Есеп бойынша 6 миллион теңгеден аса шығын келген мешітті жөндеуге жанашыр ел ағалары көмек қолын созыпты. Бұл төтенше жағдайға бей-жай қарай алмаған демеушілер көмектесуде дейді қалалық мешіттің имамы.
Еркебұлан Қарақұлов, А.Қаттани мешітінің имамы: «Мешіттің үсті түгелімен ауыстырылады. Оған қатысты демеушілердің қаржылай көмегімен жұмыстар басталып кетті. Ал өртеніп кеткен негізгі ғимараттың жөндеу жұмыстары жазға қалдырылып отыр. Әлі де облысымыздың бас имамымен ақылдаса жатармыз.»
[youtube]http://www.youtube.com/watch?v=qNS26YqJAaE[/youtube]
