«Шымкент сыра» жауапкершілігі шектеулі серіктестігі маңында төтенше жағдай орын алды. Таңсәріден өрт сөндірушілер мен медицина қызметкерлерін аяғынан тік тұрғызған оқыс оқиға орнына 600 адам жұмылдырылған. Бұл — құтқарушылардың кезекті оқу-жаттығуы екен. Жоспарға сәйкес өткізілген жаттығу барысында барлық құзырлы органдар шапшаңдықтарын көрсетті.
«Шымкент сыра» жауапкершілігі шектеулі серіктестігінің қызметкерлері аяғынан тік тұрды. Таңғы сағат тоғыздан-ақ далаға беттеп жүгірді. Себеп те жоқ емес — төтенше жағдайдың алдын алу. Қызметкерлер арасында құтқарушылар тобы да жасақталды.
[youtube]https://www.youtube.com/watch?v=Qbi4zjeTnLU[/youtube]
Жомарт Омаров, қалалық ТЖБ бас маманы: «Қазір өрт шығу жағдайында ғана емес, жер сілкінісі кезінде де қандай шара қолдану қажеттігін үйреттік. Мұндағы қызметкерлер өте белсенділік танытты. Оқу-жаттғу сабағын да түсіндіре алдық деп ойлаймыз».
Мұнда өрт сөндірушілер ғана емес, медицина қызметкерлері де арнайы келген. Кезекті оқу-жаттығуға кәсіпорынның қызметкерлері жұмылдырылды. Олар жаттығу барысында шапшаңдығын танытып, өздерін ғана емес, өзгелерді де, мекемені де аман алып қалудың жолын көрсетті.
Бірнеше сағатқа созылған оқу-жаттығу сағатында мамандар кәсіпорын қызметкерлеріне төтенше жағдайдың алдын алудың жолдарын түсіндірді. Ал «Шымкент сыра» жауапкершілігі шектеулі серіктестігінің қызметкері тілсіз жауға қарсы тұру үшін қауқарлы екеннін тағы да дәлелді.
