Шымкентте «Нұр Отан» партиясы мен Оңтүстік Қазақстан облысы әкімдігінің ұйымдастыруымен «Шырайлы, шежірелі құтты мекен» атты республикалық ақындар айтысы өтті. Бұл додаға елімізге танымал Мұхтар Ниязов, Нұрлан Мұсаев, Бекарыс Шойбеков, Айбек Қалиев, Қажымұхан Абзал, Қанат Мырзахан, Есет Досалы, Қуаныш Шарманов, Талғат Мықи, Біржан Байтуов сыңды ақындар қатысты.

[youtube]https://www.youtube.com/watch?v=Q1U7wlQ_ch0[/youtube]

001 (4)

Ұлыстың ұйытқысы – Оңтүстікте өткен тартысты додаға ҚР Парламент Мәжілісінің депутаты Оразкүл Асанғазы, сатирик, ақын Көпен Әмірбек, республикалық ақындар айтысының жүлдегері Мұхамеджан Тазабек, жазушы Мархабат Байғұт, «Оңтүстік Қазақстан» газетінің бас редакторы Бахтияр Тайжандар қазылық жасады. Айтысқа Оңтүстік Қазақстан облысың әкімі Асқар Мырзахметов, әнші, жыршы, «Нұр Отан» партиясының саяси кеңесінің мүшесі Бекболат Тілеухан, «Нұр Отан» орталық аппаратының саяси жұмыс департаменті директорының орынбасары Ғалымжан Өтелбайұлы келді.

001 (1)

«Нұр Отан» партиясының 15 жылдығына орай ұйымдастырылған айтыстың қорытындысы бойынша Мұхтар Ниязов үшінші орынға ие болды (750 мың теңге). Екінші орын Қажымұқан Абзаловтың еншісіне тиді (1 миллион теңге).

001 (3)

Ал бірінші орынды Бекарыс Шойбеков (1 жарым миллион теңге) иеленді. Бас жүлдеге Айбек Қалиев (2 миллион теңге) лайық деп танылды.

001 (2)

Бұл айтысқа қатысқан ақындардың ешқайсысы бос қайтқан жоқ. «Нұр Отан» партиясы ұйымдастырған алдыңғы айтыстардағыдай, өнерпаздардың әрқайсысы 500 мың теңгеден қанжығалады. Ал «Қазайтыс» сайты дайындаған арнайы жүлде Нұрлан Мұсаевқа табысталды.

001 (5)

Дереккөз: ОҚО әкімі аппаратының баспасөз қызметі