Шымкентте екінші рет жасалған бауыр ауыстыру отасы оң нәтижесін берді. Бүгін Шымкент қалалық жедел медициналық жәрдем ауруханасындағы науқастардың жағдайымен тілшілер қауымы танысып, бас дәрігерге, науқастарға сауалдарын қойды.
Түлкібас ауданының 53 жастағы тұрғынына бауырының жартысын баласы берген. Беларусьтық белгілі трансплантолог Олег Руммоның қатысуымен 11 сағатқа созылған операция 5 мамыр күні жасалды.
Алғаш рет бауыр алмастыру отасын жергілікті дәрігерлер өткен жылы бастады. Бұл — екіншісі. Жасалған операциядан соң қазір ананың да, бауырын берген баласының да жағдайы жақсы.
