Жаңа оқу жылында Шымкент қаласында тағы бір білім ошағы іске қосылмақ. Ордабасы ауданынан Шымкент қаласына қосылған Көкбұлақ елдімекеніндегі 300 орынды мектептің құрылысы 99 пайызға орындалыпты. Осы білім нысанындағы құрылыс барысымен Абай ауданының әкімі танысып қайтты.
Құрылысы өткен жылдың шілдесінде басталған білім нысаны билік тарапынан ғана емес, жергілікті тұрғындардың да қатаң бақылауында. Ауылдағы ағайын 370 балғынның болашағына. Шатыры құлағалы тұрған мектепті биыл оқушылар әупірімдеп аяқтады. Күні ертең кезінде асарлатып соғылған апатты мектеп бұзылады. Жоба бойынша ескі мектептің орнына балалардың спорт алаңы салынбақ.
Көкбұлақ ауылындағы ескі мектепті жаңарту ісі елдімекен қала құрамына өткеннен кейін қолға алыныпты. Тиісті құжаттар бірнеше рет Астанаға жіберіліп жүріп, ақыры қаржы бөлінді. Енді мердігерлер бірінші тамызда нысанды толық тапсыруға уәделерін беріп отыр.
[youtube]https://www.youtube.com/watch?v=fru_zdahRSw[/youtube]
Соңғы үлгімен салынған мектепте оқушыға қажеттінің бәрі бар. Спорт залы, асхана, кең бөлмелер. Бүгінде құрылысшылар ғимарат алаңын абаттандырып жатыр. Шымкент қаласынан 30 шақырым шалғайда жатқанымен ауыл ақсақалдары өздерін қалалықпыз деп сезініп қалған. Ауылдан қалаға қосылғандағы қуанышымыз да осы дейді.
Нұрлан Жаңабай
