Шымкентте алғаш рет жағдайы төмен тұрғындарға арналған әлеуемттік орталық ашылды. Облыстық кәсіподақтар орталығының ұйытқы болуымен ашылған орталықта киім-кешек пен балалар ойыншықтары бар.
Ұйымдастырушылар бұл бұйымдар арнайы тізім бойынша тұрмысы төмен азаматтарға тегін үлестіріледі дейді. Ерлер мен әйелдерге, балаларға арналған киім-кешектермен қоса аяқ киімдер де алдырылыпты.
Айта кетейік, қайырымдылық шараға жергілікті демеушілер қолқабыс еткен. Тегін бұйымдарға қарқ болған жұртшылық қаржылық дағдарыс кезінде мұндай көмек сауапты іс болады дейді.
