Демалыс күндері төтенше оқиғасыз өтпеді. Сарыағаш ауданына қарасты Ақтөбе ауылында екі жасар балдырған көз жұмды. Ол өз үйінің ауласындағы әжетханаға түсіп кетіп, тұншығып қайтыс болған. Төтеншеліктердің мәлімдеуінше, орын алған жағдайға ата-анасының мұқиятсыздығы себеп.
Сондай-ақ, Оңтүстікте 3 жасар бүлдіршін суға кетіп, мерт болды. Оқыс оқиға демалыс күні Бәйдібек ауданы Боралдай ауылындағы Мұрынтас демалыс аймағында болған. Ата-анасының қарауынсыз қалған балақайдың өмірін аман сақтап қалу мүмкін болмапты.
