Шымкентте күтпеген жағдай болды. Көп қабатты ғимараттың лифт шахтасына адам құлап кеткен. Бұл туралы төтенше жағдай департаментіне қарасты апатты-құтқару жасағының өкілдері хабарлады.
Таңғы сағат 7 шамасында жасақтың кезекшісіне 112 байланыс орталығының диспетчерінен суыт хабар түскен. Түркістан көшесіндегі биік нысандардың бірінде жас жігіт абайсызда 5-6 метрлік лифт шахтасына құлап қалыпты.
Оқиға орнына 5 адамнан тұратын құтқарушылар тобы мен 1 техника дер кезінде жетіп, зардап шеккен жігітті сыртқа шығарып алды. Қуанышқа орай, 1985 жылғы азамат аман. Қазір ол дәрігелердің қарауында.
