Шымкент қаласы әкімінің баспасөз қызметі қаланың жаңа символына қолдау білдірді. Қалалық әкімдіктің қызметкерлері Шымкенттің жаңа логотипі бар футболкалар киіп, суретке түсті.
Қою түсті футболкаларға қаланың таяуда ғана ресми бекітілген логотипі түрлі түспен салынған. Ерлерге де, қыз-келіншектерге де арналған түрі бар.
Әлеуметтік желі қолданушыларын бірден қызықтырған сұрақ — мұндай футболкаларды қайдан алуға болады? Қалалық әкімдіктің баспасөз қызметінің мамандары бұл сауалға жақында өтетін арнайы баспасөз қызметінде жауап беруге уәде берді.
