Сала мамандарының сөзіне сенсек, жаңартылған энергия көздерін енгізу арқасында серіктестік ысыраптарын едәуір азайтқан. Бұл өз кезегінде тұтынушылар төлемін де кемітеді. Жаңарту аясында халық тиісті төлемдерді аз төлеп, тіпті, басы артық шығындардан құтылуда.
Салада кәріз құбырынан шыққан қалдықтар да қайта өңделе бастады. Жуырда баламалы энергия көзін өндірудің тың жобасы қолға алынған болатын. Мұндай әдіс Еуропа елдерінде әлдеқашан іске асқан. Мамандар тың тәсілдің қыр-сырын әбден меңгеріп, мейлінше пайдалануға бет бұрып отыр. Жаңа бастама электр энергиясына қол жеткізіп қана қоймай, көгілдір отын алуға да мүмкіндік береді екен.
