Облыстық ішкі істер департаментінің өкілдері студенттер арасындағы сексуалдық зорлық мәселесіне ден қойды. Осы мақсатта құзырлы орган қызметкерлері оқу орталығындағы жастармен кездесіп, өз құқықтарын қорғау жөнінде түсіндірді. Әсіресе жас қыздарға зорлық көрген жағдайда заңды түрде көмек алу жолдарын үйретуде.
Айта кетейік, бұл кездесу «Зорлық-зомбылықсыз 16 күн» облыстық акциясы аясында жүргізілуде. Іс-шара барысында мамандар жастар ғана емес, өңір тұрғындарымен кездесіп, құқықтық сауаттылығын арттыруда.
«Зорлық-зомбылықсыз 16 күн» облыстық акциясы одан әрі жалғасын табады. Енді полицейлер шалғай ауылдағы халықпен кездесіп, құқықтық сауат тақырыбын түсіндіреміз деп отыр.
