Шымкентте түрік компанияларының басшылары жұмыс сапарымен жүр. Бүгін облыс әкімімен кездескен кәсіпкерлер өңірдің инвестициялық мүмкіндіктерімен танысты.
Жол мен үй құрылысы, өзге де өндірістік салалардағы бизнес өкілдері бірлескен жобалар құрудың жайын талқылады. Шетелдіктер «Шымкент сити» кешенінің құрылысына қызығушылық білдіріп отыр. Сапар барысында делегаттар «Оңтүстік» индустриалды аймақтары» басқарушы компаниясының қарамағындағы «Қазақ-түрік» индустриалды аймағының жұмысымен танысады деп күтілуде.
