Биыл күнгейлік әнші Хадиша Сеитованың сахнада жүргеніне 21 жыл толып отыр. Осыған орай әнші есеп беру концертін өткізді. Өнер жолында үшінші онжылдыққа аяқ басқан әнші қыз бұрынғы кейпінен таймаған.
Көптен көрінбей кетіп, халқымен сағыныса қауышқан өнер иесі танымал өлеңдерін ортаға салып, әннен шашу шашты.
Концерт жастар ресурстық орталығында өтті. Зал көрерменге лық толы. Әншінің кешіне өзінің ізімен келетін жас әншілер де жиналған. Сонымен қатар, әншіні қолдай келген Заттыбек те сахна төрінен табылды.
