Бүгін Шымкентте қатты жел соғып, соңы қарға ұласты. Қаланың коммуналдық қызметі күшейтілген жұмыс тәртібіне көшірілді, деп хабарлайды inform.kz. Синоптиктер болжағандай, түнімен секундтына 15-20 текше метрге дейін қатты жел соғып, таңертеңнен бастап қар жауды.

«Қаңтар айында ауа райы шамамен минус 1-10 градус шамасында болады. Бұл оңтүстік үшін орташа температура болып саналады. Дегенмен жылдың алғашқы айында қатты суық болжанып отырған жоқ»,- дейді «Қазгидромет» ОҚОФ иенженер-синоптигі Салтанат Қоныс. Қазіргі уақытта қалада -2 градус шамасында суық болып тұр. Қаланың коммуналдық шаруашылық қызметі көшелерді қардан тазартып, құм мен тұз сеуіп жатыр. Жолда қауіпсіздік шаралары күшейтілді. Мамандардың айтуына қарағанда, суық ауа райы бірнеше күн сақталады