ҚР Президенті Н.Ә. Назарбаевтың «Болашаққа бағдар: рухани жаңғыру» мақаласы аясында Кентау қаласының әкімі Ә.Мақұлбаевтың тапсырмасына сәйкес орталық кітапхана ғимаратында «Рухани жаңғыру» орталығы ашылды. Салтанатты шараға қала әкімдігінің аппарат басшысы Б.Алимбетов бастаған зиялы қауым өкілдері, қала жастары қатысты. Рухани азыққа толы орталықтың лентасын Кентау қаласының құрметті азаматы, акбар қажы, ақын Р.Балабиев пен қалалық «Ардагерлер кеңесінің» төрағасы И.Жұмабайұлы қиды.
Аталмыш орталыққа Кентау қаласының мақтаныштары, әр игі ісімен өскелең ұрпаққа үлгі аға буындардың суреттері ілініп, сол кісілер жайында толық ақпарат беретін материалдар қойылған. Олар Кентау қаласының Құрметті азаматы, ақын, 1995 жылдан бастап Жазушылар Одағының мүшесі, Меккеге 5 рет барып, Ақбар қажы атанған. Оңтүстік Қазақстан облысы бойынша бірінші болып, ақын-жазушылардың әдеби-шығармашылық бірлестігін ашқан азамат. 
Бүгінгі таңда сол бірлестіктің төрағасы.
20016 жылы «Құрмет Ордені»мен марапатталған Рахым Базаргелдіұлы Балабиев, Кентау қаласының Құрметті азаматы. 1965 жылдан бастап, зейнеткерлік жасқа дейін дәрігер болып жұмыс атқарды. Одақ ыдырап, қиын – қыстау болған кезде, тастанды нәрестелерді асырап алып, өз үйінен «Арнұр» отбасылық балалар үйін ашқан Жұмашев Ысқақ Тұрғанбайұлы, Кентау қаласының Құрметті азаматы. Кеңес Одағында «І дәрежелі Еңбек Даңқы» орденімен марапатталған.
КСРО Жоғарғы Кеңесіне депутат болып сайланғанСоциалистік Еңбек Ері. «Еңбек Даңқы» орденінің 3 дәрежесінің иегері болып, «Қазақстанның Еңбек Ері» атағына ие болған. Қазақ социалистік республикасының Мемлекеттік сыйлығының лауреаты болған. «Қаланың жанашыры» Пайзиев Дүйсенбай, Кентау қаласының Құрметті азаматы, «Ұстаздардың ұстазы» атағын алған азамат. «Халыққа білім беру ісінің үздігі» төсбелгісінің иегері. 1961 жылдан бастап еңбек жолын мектеп қабырғасында ұстаздықтан бастаған ағамыз ұстаздықтың шыңына шыққан. 1980 жылдан бастап мектеп директоры қызметін атқарып жүрген кезінде түрлі марапаттарға ие болған Жүсіпов Өміртай Сейдалыұлы, Кентау және Түркістан қалаларының Құрметті азаматы, Филология ғылымдарының кандидаты, доцент, Халықаралық Ақпараттандыру Академиясының академигі, Қожа Ахмет Ясауи атындағы Халықаралық Қазақ-Түрік Университетінің профессоры, көптеген халықаралық және республикалық ән байқауларының лауреаты. Қазақстанның мәдениет қайраткері Сердәлі Бекжігіт Кенжебекұлы, Ғалым, ғылым докторы.
«Жоғары оқу орнының үздік оқытушысы»-мемлекеттік грантының иегері, 2 дүркін Республикалық үздік оқытушы грантының жеңімпазы. 2008 жылы Информатика, есептеу техникасы және басқару мамандығы бойынша профессор атағы берілген Беркімбаев Камалбек Мейірбекұлы, Кентау қаласының Құрметті азаматы, Спорт шебері, Азия- әлем чемпионы. Біздің мақтан тұтар азаматымыз. Япониядағы Хиросима қаласында Азия ойындарының жеңімпазы,Иран – Тегеран қаласында Азия чемпионатының жеңімпазы,Тайланд – Бангкок қаласында өткен Әлем Кубогының ІІ орын жеңімпазы, 1991 жылы Минск қаласында өткен КСРО халықтарының Х жазғы спартакиадасының жеңімпазы. Қазақстан чемпионатының және спартакиадасының бірнеше дүркін чемпионы болған Шағатаев Қанатбек Ханафияұлы.
Бұл шараның басты мақсаты Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» мақаласындағы «Туған жер» бағдарламасын жүзеге асыру, қаламыздың мәдени — рухани жетістіктерін, ел және өлкеге байланысты рухани құндылықтарды қала тұрғындары мен кітапхана оқырмандарына насихаттау болып табылады.
