Есте сақтау қабілетіне жауапты ми бөліктерінің байланысын нығайту үшін физикалық жаттығулар жасау жеткілікті. Бұл туралы Калифорния университеті мен Жапониядағы Цукуба универсетінің ғалымдары мәлімдеді. Олардың жүргізген зерттеуі Proceedings of The National Academy of Sciences журналында жарияланды, — деп хабарлайды «РИА Новости» және Тengrinews.kz.
Нейробиологтар томографтың көмегімен 36 адамға физикалық жаттығулар жасаған соң, бірден ми белсенділігіне сараптама жүргізген. Нәтижелер олардың есте сақтау қабілетінің айтарлықтай жақсы жұмыс істегенін көрсеткен.
«Біз жаңа жасушалардың пайда болатынын жоққа шығармаймыз. Ол белгілі бір процесс, оған уақыт керек. Бірақ 10 минуттық жаттығулардың өзі жеткілікті байқалды», — деп келтіреді ғалымдардың бірінің сөзін Medical Xpress порталы.
