Желіде сауалнамаға қатысып, қомақты ақша алуға болатыны туралы ақпарат тарап жатыр, деп хабарлайды sputniknews.kz
Қазақстанның ұлттық экономика министрлігі ақылы сауалнамаға байланысты түсініктеме берді. Жексенбі күні желіде экономика министрлігінің «ақпараты» тарап кеткен болатын. Тұрғындарға сауалнамаға қатысып, 350 мың теңге алуға болатыны айтылған.
«Мұндай ақпарат шындыққа жанаспайды. Оның ұлттық экономика министрлігіне еш қатысы жоқ», — деп хабарлады ведомствоның баспасөз қызметі.
Ұлттық экономика министрлігінің жұмысы туралы ресми ақпаратты ведомствоның сайтынан білуге болады.
Бұған дейін елдегі ақпараттық қауіпсіздік мәселесі Қазақстанның қауіпсіздік кеңесі жанындағы сарапшылық кеңес отырысында талқыланды. Қатысушылар елде жалған ақпарат таратуға қатысты шара қолдану мәселесіне назар аударды.
