Пантеонға Қазақстан президенттерін, олардың отбасы мүшелерін, министрлерді, облыс әкімдерін, сондай-ақ түрлі атақтарды алған азаматтарды жерлеуге болады.
2019 жылдың 26 желтоқсанында премьер-министр Асқар Мамин Қазақстанның ұлттық пантеоны туралы жаңа ереже жобасын мақұлдады. Онда мемлекет басшысынан басқа кімдер жерлене алатынын zakon.kz хабарлайды.
Құжатта айтылғандай, Ұлттық пантеон – қайтыс болған адамдарды жерлейтін орын. Бұл мемориалдық маңызы бар архитектуралық нысан, оның мақсаты – мемлекет, ғылым, мәдениет қайраткерлерінің, сондай-ақ Қазақстанның дамуына үлес қосқан тұлғалардың есімдерін сақтау.
Пантеон Нұр Сұлтан әкімдігінің басқаруында.
Пантеонның территориясына мемориалдық ғимарат, «Естелік қабырғасы» монументі бар еске алу мұражайы (XX-XXI ғғ.), әкімшілік, қызметтік және қосалқы ғимараттар, қабір тастар, саябақтар және айналадағы аумақтар кіреді.
Пантеонда қайтыс болған мынадай адамдар жерленеді:
1) Қазақстан президенттері мен олардың отбасы мүшелері;
2) премьер-министрлер мен олардың орынбасарлары, парламент палаталарының төрағалары және олардың орынбасарлары, мемлекеттік хатшылар, Президент әкімшілігінің басшылары, Конституциялық Кеңестің, Жоғарғы Соттың және Ұлттық банктің төрағалары;
3) министрлерлер, Қазақстан президентіне тікелей бағынатын және есеп беретін мемлекеттік органдардың басшылары, облыстардың, республикалық маңызы бар қалалардың және астана әкімдері;
4) «Халық қаһарманы», «Қазақстанның Еңбек Ері» атағына ие болған адамдар;
5) «Алтын Қыран», «Отан», «Қазақстан Республикасының Тұңғыш Президенті — Елбасы Нұрсұлтан Назарбаев», үш дәрежедегі «Еңбек Даңқы » ордендерімен марапатталған азаматтар;
6) «Кеңес Одағының Батыры», «Социалистік Еңбек Ері» атағына ие болған азаматтар;
7) «Қазақстанның ғарышкер-ұшқышы» құрметті атағына ие болған азаматтар;
8) Қазақстан Республикасы Президентінің арнайы шешімімен басқа азаматтар;
Пантеонда жерленетін адамдармен бірге кейін олардың қайтыс болған жұбайлары да жерленуі мүмкін екені айтылған.
Жерлеуді ұйымдастырумен облыстың, республикалық маңызы бар қаланың және астананың жергілікті атқарушы органдары қайтыс болған адамның жұбайының, жақын туыстарының немесе заңды өкілінің бастамасы бойынша жүзеге асыруы керек.
Әкімдік жерлеу үшін құжаттарды рәсімдеуге, қайтыс болған адамды жерлеу үшін қолданылатын атрибуттарды қамтамасыз етуге, қайтыс болған адамның денесін пантеонға жеткізіп, жерлеуге міндетті.
Діни жоралар мен рәсімдер Қазақстан заңнамасына сәйкес өткізілуі керек.
Жерлеу туралы шешім қабылдауда кезде қайтыс болған адамның еркі немесе жұбайының, жақын туыстарының немесе қайтыс болған адамның заңды өкілінің тілектері ескеріледі, делінген құжатта.
Пантеондағы қабір құрылыстарының орналасуы мен дизайны бірыңғай нысанда жүзеге асырылуы керек. Пантеонда өз бетінше жерлеуге, отбасылық зират құру және қайта жерлеуге жол берілмейді.
Сондай-ақ,пантеонда жерлеу кітабы жүргізіледі. Кітапта қайтыс болған адамдар туралы келесі ақпарат болады:
1) тегі, аты және әкесінің аты (бар болса);
2) қайтыс болған адамның пантеонға түскен және жерленген күні;
3) өмірбаяны;
4) Қазақстан Республикасына сіңірген еңбегі;
5) өзге де ақпарат.
