polisia.kz

Пара беруші ақша ұсынып жатқан кезінде ұсталды.  Шымкентте полиция қызметкеріне пара беру жайтының жолы кесілді.

Шымкент қаласының тұрғынына қатысты көрінеу заңсыз әрекеттер жасағаны үшін лауазымды тұлғаға пара беру жайты бойынша сотқа дейінгі тергеп-тексеру амалдары басталды.

Азамат өзінің танысы Қылмыстық кодекстің 191-бабының 2-бөлігі (Бірнеше рет тонау) бойынша сотты болып, арнайы аймақаралық сотымен белгіленген шектеуді түнгі уақытта бұзғаны үшін шара қолданбауын сұрап, жергілікті полиция қызметінің қызметкеріне пара ретінде 20 000 теңге көлемінде ақшалай қаражат беруге ниет білдірген.

Полиция қызметкері аталған жайт бойынша Шымкент қаласы Полиция департаментінің Өзіндік қауіпсіздік басқармасына хабарлап, пара беруші ақшаны ұсынып жатқан кезінде ұсталды.