Коронавирус жұқтырған Шымкент қаласы тұрғындарының қазіргі жағдай бірқалыпты. Қаламыздың бас санитары Әбдіманап Төлебаев осылай дейді.
Бүгінде олардың барлығы Шымкент қалалық жұқпалы аурулар ауруханасында жатыр. Еске сала кетейік, үшінші мегаполистен алғашқы науқас 23 наурыз күні анықталған еді. Араға бір күн салып індет оның анасынан да табылды.
Ал, 1 сәуір күні Шымкенттегі үшінші індет жұқтырған тұрғын табылды. 51 жастағы ер азамат жуық арада басқа елге шықпаған. Коронавирус оған Дубайдан келген баласынан жұғуы мүмкін. Бірақ, 14 наурызда келген оның ұлынан бұл дерт әлі анықталмаған.
Назерке Үкібасова
