Түркістан облысы Мақтаарал ауданындағы эвакуацияланған Мырзакент кенті мен Ақжол ауылының тұрғындары өз үйлеріне оралатын болды.
Облыстық төтенше жағдайлар штабы аталған елдімекендерде тасқын судан келетін қауіптің жоқтығын анықтаған. Ал, қалған елдімекеннің тұрғындары қауіп толық сейілгенше уақытша эвакуациялық бекеттерде болады.
Айта кетейік, ауданда тасқын су орын алуына байланысты Жеңіс, Өргебас, Достық, Жаңатұрмыс, Фирдоуси ауылдарынан жалпы 31 мың азамат қауіпсіз аймаққа шығарылған болатын. Соның 17 мыңнан астамы Мырзакент кенті мен Ақжол ауылының тұрғындары.
