Қоғамдық тәртіпті қамтамасыз ету бойынша қызмет атқару кезінде Кентау қалалық ПБ полиция қызметкері Есенбек Рүстемов қала көшелерінің бірінде «Мерседес Бенц 190» автокөлігін тоқтатты. Құжаттарды тексеру кезінде жүргізушінің мас күйінде көлік жүргізгені анықталды. Сонымен қатар, Кентау қаласының тұрғыны бұрын мас күйінде көлік жүргізгені үшін автокөлік жүргізу құқығынан айрылған.
Тәртіп сақшылары мас күйінде көлік жүргізген тағы бір жол ережесін бұзушыны анықтады. Рейдтік іс-шаралар кезінде Төлеби АПБ қызметкерлері мас жүргізуші болып шыққан күдікті көлікті тоқтатқан . Медициналық куәландыруға сәйкес ер адам мас күйінде болған. Күдіктілердің бас шарасы қолхатта.
Қазіргі уақытта осы жайттар бойынша ҚР ҚК-нің 346-бабы «Көлік құралдарын жүргізу құқығынан айырылған және алкогольден, есірткіден және (немесе) уытқұмарлықтан масаң күйдегі адамның көлік құралын басқаруы, сол сияқты көлік құралын басқаруды осындай адамға беру немесе осындай адамның көлік құралын басқаруға жіберілуі» бойынша сотқа дейінгі тергеу амалдары жүргізілуде.
Осы баптың санкциялары белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, 5 мың АЕК-ке дейінгі мөлшерде айыппұл салу не сол мөлшерде түзеу жұмыстары бір мың екі жүз сағатқа дейінгі мерзімге қоғамдық жұмыстарға тарту не бес жылға дейінгі мерзімге бас бостандығын шектеу не сол мерзімге бас бостандығынан айыру түріндегі жазаны көздейтінін атап өткім келеді.
Өз кезегінде Түркістан облысының полицейлері жүргізушілерді жол жүру ережелерін қатаң сақтауға, соның ішінде маневр жасау ережелерін бұзбауға, жылдамдықты асырмауға, қарсы жолаққа шықпауға және мас күйінде рульге отырмауға шақырады. Жол қозғалысына қатысушылар жолдарда абай болу және мұқият болу, жол белгілерін көрсету керек. Есіңізде болсын, жол қозғалысы ережелерін бұзу түзетілмейтін жағдайларға әкелуі мүмкін, жол қателіктерді кешірмейді.
