Шымкент қаласында салауатты өмір салтын насихаттау және жасөспірімдерді спортқа баулу мақсатында ұйымдастырылған «ШЫМҚАЛА ЛИГАСЫНЫҢ» 2020 жылғы жеңімпаздары мен жүлдегерлері марапатталды.

Марапаттау рәсіміне Шымкент қаласы әкімінің орынбасары Мақсұт Исахов,
қалалық дене шынықтыру және спорт басқармасының басшысы Олег Почивалов, ауыр атлетикадан 4-дүркін әлем чемпионы Илья Ильин, футболдан 2019 жылғы үздік бапкер атанған Фархадбек Ирисметов қатысты.

«Шымқала лигасында» биыл «Tamir» балалар лигасы ашылған болатын. 2006-2007, 2008-2009, 2010-2011 жылы туылған футболшылар арасында мықтылар анықталды.
Сонымен қатар, 18-ден жоғары, 35 және 40 жастан асқан әуесқойлар және ардагерлер арасында да жеңімпаздар марапатталды.