«Отырар» телеарнасы барлық нәзік жандыларды 8 наурыз мерекесімен тікелей эфирде құттықтады. Көрсетілім жеті сағатқа созылды.

Конкурс барысында жүзден астам сыйлық ойнатылды. Бағалы сыйлықтарды алу үшін көрермендер жүргізушілер мен студия қонақтарының сұрақтарына жауап беруі керек болатын.

Ауқымды ойынға дайындық телеарнаның студиясында бірер күн бұрын басталды. Тікелей эфир барысында барлығы сағат сияқты жұмыс істеуі керек: камералар, дыбыс, микрофон, байланыс. «Отырар» медиахолдингінің үздік командасы эфирдің сәтті өтуіне барын салуға тырысты. Себебі, бұл жолы ойнатылған ұтыстардың бағасы – миллион теңгеге жетті!

Арнамыздың ең дарынды жүргізушілері қала тұрғындарына мерекелік көңіл-күй сыйлады. Ал тікелей эфир кезінде студия қонақтары қатарында бишілер, әншілер мен белгілі тұлғалар болды. Олар: әнші Астана Қарғабай, актриса Айнұр Жұбатқан, академик, тарих ғылымдарының докторы Бауыржан Байтанаев, «Әжелер» ансамблі, «Қазақстан дауысының» лауреаты Данияр Барыс, орыс драма театрының директоры Игорь Вербицкий және тағы басқалары.

Астана ҚАРҒАБАЙ, әнші: «Мен әлемдегі барлық әйелдерге тек жақсылықты тілеймін. Әдемі де жайдарлы келбеттеріңізден айнымаңыздар. Осындай кереметтей эфир ұйымдастырып отырғаны үшін «Отырар» телеарнасына ерекше рахмет. Байқау жоғары деңгейде өтіп жатыр».

Тікелей эфир кезінде, келген қонақтар өз сұрақтарын қойып, жүргізушілермен бірге сыйлықтарды үлестірді.

 

Бахадыр НАРЫМБЕТОВ, Шымкент қаласы мәслихатының хатшысы: «Барлық ханымдарды осы тамаша мерекемен құттықтаймын. Сіздерге бақыт пен денсаулық тілеймін. «Отырар» телеарнасының байқауы жоғары деңгейде өтті. Сұрақтар мен сыйлықтар ерекше, қызықты болды».

Айта кетейік, Шымкенттегі ең мықты «Бульвар» мен «Винопарк» мейрамханалары бұл жобаға қолдау көрсетті. Жеңімпаздар Termal SPA Resort-та отбасылық демалысқа арналған билетке, Gramadа және Изуми сауда орталығынан сыйлықтар мен флебология және лазерлік медицина клиникаларының сертификатына, «Атлант» сауда үйінің тұрмыстық техникалары мен Ж. Шанин атындағы драма театрдан және Орыс драма театрының бір жылдық репертуарына арналған билеттерге ие болды. Сондай-ақ сұрақтарға дұрыс жауап бергендер «Кинопарк Синема» кинотеатрының билеттері мен «Төлем», «Shymkent bike» және Scooter Sharing карталарын алды.

Жеңімпаз: «Жүлделер өте керемет болды. Мен алты ай ішінде Scooter Sharing жазылымын жеңіп алғаныма қуаныштымын. Болашақта мен тағы да қатысамын».

Әбдіқалықовтар отбасы бірнеше қоңыраудан соң студияға түсе алыпты, бірден екі ұтысты иеленді. Жары «Бульвар» мейрамханасының 40 000 теңгелік сертификатына ие болса, ал отағасы шаңсорғыш ұтып алды. 8 наурыз күні 5 жылдық үйлену той мерекесін тойлаған ерлі-зайыптылар, бұл ұтыстарды ең керемет тосын сый болды деп отыр.

Мақсат ӘБДІҚАЛЫҚОВ, байқау жеңімпазы: «Біз өте қуаныштымыз. Біз 2 сыйлық ұтамыз деп ойлаған жоқпыз. Біз шаңсорғыш пен мейрамханаға 40 000-ға сертификат ұтып алдық. Біз бұл жарысты шынымен асыға күттік. Жеңіске жетіп, біз мұнда бірден келдік. Біз өте ұзақ уақыт қоңырау шалдық, бірақ жиі бос емес болып тұрды. Бізде бүгін үйлену тойымыздың мерейтойы. Бұл біз үшін қос мереке. Осы күні жүлделі орындарға ие болғанымызға қуаныштымыз».

Тікелей эфир кезінде «Отырар» телеарнасы қызметкерлерінің бірін қала тұрғыны ерекше құттықтады. Владимир Троцанның айтуынша, тікелей көрсетілім арқылы құттықтау жолдау оның көптен бергі арманы болған екен.

Владимир ТРОЦАН, Шымкент қаласының тұрғыны: «Мен тікелей эфирге туысқанымды құттықтауға келдім. Мен көптен бері эфирде біреуді құттықтауды армандайтынмын. Бүгін менде осындай мүмкіндік болды. Қоңырау шалғанда ол жұмыста екенін айтты. Сосын мен келдім. Мен сондай-ақ барлық әйелдерді осы тамаша мерекемен құттықтағым келеді».

Эфир көрсетілімі ерекше мәреге жетті деуге болады. Шымкенттің барлық азаматшаларын құттықтауға студияға ұлттық ұлан оркестрі келді.

Медиахолдинг басшылығы қала тұрғындарын алдағы уақытта да таңдандырып, ерекше қуаныш сыйлауға уәде береді. Ең қызықтысын жіберіп алмас үшін біздің эфирді, хабарландыруларды, әлеуметтік желілердегі парақшаларымызды қадағалаңыз.