Түркістан облысының әкімі Өмірзақ Шөкеев тұрғындарға арналған жеке онлайн қабылдауын өткізді. Қабылдауға жазылған 10 адамның көпшілігі өзінің жеке мәселерін айтып келген.
Соның бірі — Сарыағаш ауданының азаматшасы сот үкімімен баспанасыз қалғанын айтады. Аймақ басшысы болса, өтініш-шағымдарды тыңдап, мәселелер заң аясында қаралатынын жеткізді. Кей өтініштердің заңды негізі болмағандықтан, оған демеушілерді тартуға шақырды.
Өмірзақ ШӨКЕЕВ, Түркістан облысының әкімі: «Заң солай, тәртіп солай. Аудан әкімдері қараңыздар, жолдарын іздеңіздер. Мүмкін демеушілер арқылы көмек беру керек».
Аймақ басшысы қабылдауда болған түркістандықтардың ұсыныс-шағымдарын өздері тұратын ауданның жауапты тұлғаларына тапсырды. Айта кетейік, карантин режиміне байланысты облыс әкімі тұрғындарды тек онлайн форматта қабылдап келеді.
Шынар Оразова
