Шымкентте Абай атындағы №90 дарынды балаларға арналған мамандандырылған мектеп-гимназиясы үздік педагогикалық жоба, үздік мектептер қатарына енді. Педагогтардың жүйелі жұмысының арқасында 8 оқушы республикалық ғылыми жоба жұмыстарынан жүлделі орындарды иеленді.
Шымкенттегі Абай атындағы №90 дарынды балаларға арналған мамандандырылған мектеп-гимназиясы үздік педагогикалық жоба, үздік мектептер қатарында. Бүгін білім ұясында «Алтын белгі», «Үздік аттестат» иегерлері, ғылыми жобалар мен түрлі олимпиадалардың жеңімпаздарына құрмет көрсетілді. Жалпы білім беретін пәндер бойынша республикалық олимпиаданың төртінші кезеңінде жеңімпаз атанған 4 оқушының арасында Ақбота Қуандықова да бар.
Биыл мектепті бітірген 110 оқушының 3-уі «Алтын белгі» , 4 түлек «Алтын аттестат» иегері. Былтыр 106 оқушының арасында 8-і Алтын белгі , 5 түлек «Үздік аттестат атағын ақтады. 9 жылда білім ордасы 56 «Алтын белгі «, 33 «Үздік аттестат» иегерін тәрбиелеп шығарған. Мұндай жоғары көрсеткішке жүйелі жұмыстың арқасында қол жеткіздік,- дейді ұстаздар қауымы.
Мектеп-гимназия республикалық олимпидаларда жеткен жетістіктері бойынша еліміздегі «100 үздік олимпиадалық мектептер» қатарына еніп, 53 орынды иеленді. Жаңа технологияларды меңгеруге ынталы оқушылар үшін де мұнда барлық жағдай жасалған. Ұл- қыздар таңдаған мамандықтарының қыр-сырын оқу ордасының қабырғасында үйренуде.
Шынар Оразова