АҚШ-та Сент-Луис, Германияда – Дортмунт, Ресейдің – Элиста қалалары өз елдерінің бейресми шахмат астаналары атанып кеткен. Енді бұл тізімге – Шымкент қаласы да енбек.

Шымкент қаласының әкімі Мұрат Әйтеновтың бастамасымен 2021 жылдың 20-30 шілде күндері шахматтан жасөспірімдер арасында Қазақстан чемпионаты Шымкент қаласында өтпек.

Мемлекеттік бюджеттең қаржысынсыз өтетін чемпионаттың басты мақсаты «Шымкент – еліміздің шахмат астанасы» брендін қалыптастыру.

Спорттық сайысқа еліміздің барлық аймағынан ойыншылар, олардың ата-аналары және жаттықтырушылар арнайы Шымкент қаласына атбасын бұрады.

Сол он күндікте қонақтарымызға Шымкентті жан-жақты таныстыруға күш салып, қала қазынасына түсетін табысты еселеуді көздеп отырмыз.

Алдын-ала болжам бойынша мультипликативті эффект нәтижесінде қала қазынасына 400 млн теңге табыс түспек.

«Visit Shymkent» туристік ақпараттық орталығы – Шымкентті зияткерлер қаласы атандыру мақсатында алғашқы жүрісті бастады.