Шымкент әкімі Мұрат Әйтенов каратэден Токиодағы жазғы Олимпиада ойындарының қола жүлдегері Дархан Асәділов пен Софья Берульцеваға пәтер кілтін табыстады.

Спортшыларға тұрғын үй қорынан «Нұрсәт» шағынауданынан 1 бөлмелі пәтер берілді. Мұрат Әйтенов жетістіктер арқылы каратэ спорт түрінің қалада даму деңгейін көрсеткенін айтып, осы еңбектері үшін қала тұрғындары атынан алғыс білдірді.

Бұған дейін төрт жылдықтың басты бәсекесінде ел үмітін ақтаған Дархан Асәділов пен Софья Берульцева «Құрмет» орденімен наградталған еді.

Мөлдір Ибадуллаева