Шымкент қаласы, Еңбекші ауданы, Жібек Жолы көшесінде орналасқан «Альянс» ЖШС сауда қатарының аумағында өрт туралы ақпарат 2021 жылғы 15 желтоқсанда сағ. 00:33-те «101» басқару пультіне келіп түсті.
Оқиға орнына бірінші болып келген өрт сөндіру бөлімшелері ішінде сантехника және құрылыс заттары бар 2 сауда бутигі жанғандығын анықтаған. Өрт сағат 00:50-де оқшауланып, сағат 01:30-да толығымен сөндірілді. Зардап шеккендер мен қайтыс болғандар жоқ. Өрттің жалпы көлемі 80 ш.м. құрады. Өрттің шығу себебі және материалдық шығыны анықталуда.
Өртті сөндіруге Шымкент қ.ТЖД Өрт сөндіру қызметінің жеке құрамында 32 қызметкер мен 7 техника, Апаттар медицинасы орталығы филиалының 1 бригадасы жұмылдырылды.
