Жыл соңына дейін тағы бір кітапхана пайдалануға берілмек. Мәселен, Шымкенттегі 43 кітапхананың 10-ы күрделі жөндеуден өтті, деп хабарлайды ОТЫРАР.
Депутаттарға жөндеуден өткен кітапхана ғимараттары көрсетілді, олардың біразы оқырмандарға есігін айқара ашты.
Ұлы сазгер Шәмші Қалдаяқов бес жыл тұрған үйдің бірінші қабатында ашылған кітапхананың бірінде музыкаға қатысты әдебиеттер сақталған.
«НҰР ОТАН» партиясының мүшелері кітапханалар мен басқа да ғимараттардың жөндеу жұмыстарының барысын үнемі тексеріп, қадағалап отыратындықтарына сендірді.
«Жастар үшін өте пайдалы, мүмкіндіктер бар. Қаншама кітаптар, қаншама бірегей басылымдар. Әрқайсымыз қоғамды кітап оқуға, өз тарихымызды білуге шақыруымыз керек», — деді Шымкент қаласы мәслихатының депутаты Әйгерім Жұмақұлова.
Депутаттар тұрақты түрде мемлекеттік мекемелерге барып, шенеуніктердің жұмысын қадағалайтын болады.
