Шымкентте бүлшіндерді жан-жақты дамытудың бірегей орталығы ашылды. Ол — Монтессори балабақшасы. Орталықтың білікті әрі мейірімді қызметкерлері сіздің балаңыздың күн сайын жаңалық ашып, ой-өрісін кеңейтуіне көмектеседі.
Кешен өзге орталықтардан балаларға арналған арнайы тіл мектебі әрі кеңейтілген өзіндік бағдарламасымен сондай-ақ демалыс күнге арналған жеке тобымен ерекшеленеді. Бүлдіршін үшін мүмкіндіктер мекеніне айналғалы отырған балабақшаның ашылу салтанатына біздің түсірлім тобымыз да қатысып қайтты.
Арнайы құттықтаулар мен бата -тілектен кейін, өте маңызды әрі салтанатты сәтте келіп жетті. Яғни, орталықтың ашылуын білдіретін лентаны қию рәсімі.
Өзін қарапайым ғана инвестормын деп атаған азаматтың айтуынша, бұл мекеме жайдан-жай ашылған жоқ.
Бамбини вип монтесори — қос тілді балабақшасында бүлдіршіндер үшін барлығы толығымен ойластырылған. Бір жастан бастап балаларды қабылдайтын шағын топтар, үш тілде сөйлейтін мұғалімдер, мамандандырылған Монтессори сыныбы, сондай-ақ, тренажер залы, тіпті жүзу бассейніне дейін қарастырылған.
Орталықта ерекше күтімді қажет ететін балаларға арналған «Ананың қуанышы» атты оңалту бөлмесі де бар. Білікті тәрбиешілер, әр балаға арнайы көңіл бөліп, жақсы нәтиже көрсетуі үшін еңбек етеміз, дейді. Ал, ата-аналар перзентінің балабақшаға қуанышпен баратынын айтып, орталыққа көңілі толатынын жеткізді.
Сондай-ақ, орталықта 4 пен 16 жас аралығындағы бүлдіршіндердің қабілетін шыңдауға арналған Baby Art атты өнер мектебі бар. Мұндағы мамандар бастауыш сыныбындағы оқушылармен кеңейтілген бағдарламада қуана жұмыс істейді. Егер сіздің балаңыз тілдерді тез меңгеруге қабілетті болса, немесе ол үшін шет тілдерін оқуда біраз қиындықтар туындаса, балаңызды орталықтағы тіл мектебіне жібергеніңіз жөн. Себебі, мұнда ағылшын, француз, тіпті қытай тілдерін тиімді әрі оңай тәсілдер арқылы үйретеді.
Шымкент қаласының бас дәрігерінің сөзінше, бұл орталықтың ашылуын қала тұрғындары асыға күткен көрінеді. Өйткені, барлығы бүге-шігесіне дейін ойластырылған дейді.
Бұл орталықтың арман білім ошағы деп аталуы бекер емес, өйткені мұнда қаланың үздік ұстаздары қызмет етуде.
Ал егер сіздің демалыс күнге қандай да бір жоспарыңыз болса, балаңыздың бос уақытын қызықты әрі пайдалы өткізуге мүмкіндіңіз бар. Бұған, мекемедегі демалыс күндеріде жұмыс істейтін – Happy Day тобы көмектеседі.
Орталық қаланың ең қолайлы орындарының бірінде орналасқан. Яғни, бұрынғы Махамбет бизнес орталығының ғимаратындағы Кең баба саябағында. Егер сіз білімді, жан-жақты дамыған талантты ұрпақ тәрбиелегіңіз келсе, Dream Education орталығымен байланысыңыз.
Аида Қарсыбайқызы
