Түрістанда «Құрмет» орденінің иегері, айтыскер ақын Маржан Есжанованың 50 жылдық мерейтойына арналған «Маржан-жыр» республикалық ретро айтыс өтті.
Аталған шара облыстық мәдениет басқармасы өкілдерінің ұйымдастыруымен, шаһардағы «Farab» кітапханасында болды.
Жыр доданың ашылу салтанатында танымал ақындар мерейтой иесін құттықтап, сый-сияпаттарын тапсырды.
«Маржан-жыр» республикалық ретро-айтысына еліміздің танымал айтыскерлерімен, от ауызды, орақ тілді ақындары қатысып, өз өнерлерін көрсетті.
Сонымен бірге Маржан ақынның ізбасар інілері мен шәкірттері де жырдан алқа тақты. Сонымен қатар, рухани кеште Маржан Есжанованың кітабының таныстырылымы өтті. Зиялы қауым өкілдері мен қоғам қайраткерлері ақынның өнері мен еңбегін жоғары бағалап, шығармашылық табыс тіледі.
Аида Қарсыбайқызы
