Шымкентте жер қойнауын заңсыз қазған азамат анықталды. Жергілікті тұрғын «Бадам» өзені жағасында ауыр жүк көлік құралын пайдалана отырып, жер қойнауын заңсыз қазып жатқан жерінен ұсталды. Абай ауданы Полиция басқармасының қызметкерлері түсіндірме жұмыстарын жүргізді.
Сала жауаптыларының айтуынша, өзеннің қиыршық тастарын, құмдарын заңсыз алып кеткендер, өзенге де, тұрғын үйлерге де орасан зор зиянын тигізеді. Жан-жағындағы ғимараттар, нысандар үлкен шұңқырлардың кесірінен зардап шегуі мүмкін. Сондықтан, табиғатты қорғау полиция тобы мұндай әрекетке бармауға шақырады.
Мөлдір Ибадуллаева
