Шымкентте үлкен жол апаты салдарынан 4 тонна қарбыз көшеге шашылып, үлкен кептеліс пайда болды.
17 шілде күні сағат 14:00 шамасында Жиделібайсын және Шардара көшелерінің қиылысында, мал базарына жетпей жол апаты болды, деп хабарлады «Шұғыл шақырылым»бағдарламасының тілшісі.
Оқиғада 8 көлік соқтығысып жолды жауып қалған. Салдарынан ұзын сонар көлік кептелісі орын алды.
Алдын ала ақпарат бойынша, Howo маркалы жүк көлігіндегі тежегіш бірден істен шыққан.
Зардап шеккендердің екеуі — Газель жолаушысы және Howo жүргізушісі.
Өкінішке орай 4 тонна қарбыз артып алған «Газель» көлігінің жүгі көшеде шашылып, жарамсыз күйге түсті
