«Қызыңды жоғары оқу орнына грантқа түсіріп беремін». Осылай деп танысын сан соқтырған алматылық әйел ұсталды. Шардара АПБ-ға арызданған азаматтың айтуынша, күдікті 2020 жылдың желтоқсан айында «қызыңды грантқа түсіріп беремін» деп сеніміне кіріп, 1 000 000 теңгесін алып кеткен.
Аталған жайт бірден ҚР ҚК-нің 190-бабы «Алаяқтық » бойынша тіркелді. Белгілі болғандай, күдікті әйел Шардараға қыдырып келген. Ал алаяқтықпен алған ақшаны өз қажеттілігіне жаратып жіберген.
Қазіргі таңда тәртіп сақшылары күдіктінің бұдан басқа да қылмыстарға қатысы бар-жоғын анықтап жатыр.
Мөлдір Ибадуллаева
