Шымкентте соңғы бір ай ішінде 30 мыңнан астам әкімшілік құқықбұзушылық тіркелді. Бұл қалалық полиция қызметкерлерінің «Қауіпсіз жол» жедел-профилактикалық іс-шарасы барысында белгілі болған.
Шаһардағы жол-көлік оқиғаларының алдын алу мақсатында ұйымдастырылған шара 19 шілде күні басталған еді. Осы уақыт аралығында көлік тізгінінде телефон пайдалану, қауіпсіздік белдігін тақпау, басып озу немесе маневр жасау тәртібін бұзу сынды бір қатар құқық бұзушылық әрекетке барған жүргізушілер анықталды.
Жалпы нәтижесінде, 749 автокөлік айыптұраққа жеткізілді. Сондай-ақ, көлік құралын басқаруға құқығы жоқ 368 жүргізуші жауапқа тартылды.
Мөлдір Ибадуллаева
