Мемлекетке жалпы соммасы 523 миллард теңгеден астам қаржы қайтарылды. Бұл туралы Бас прокуратура хабарлады.
Қылмыстық істерді тергеп-тексеру кезінде ел қазынасына шамамен 518 миллиард теңге өтелді. Оның ішінде шетелдік юрисдикциялардан қайтарылған қаржы көлемі: 173 миллион доллар. Прокурор актілері бойынша құны 5 миллиард теңгеден асатын 75 мың гектар жер мемлекет меншігіне өтті. 600-ден астам теміржол және соған қарасты жер телімдері қайтарылды.
