Мәжіліс депутаттары бала күтіміне төленетін жәрдемақыны 3 жылға дейін ұзартуды және барлық балаларға қолдау ретінде 18 жасқа дейінгі әмбебап балалар жәрдемақысын енгізуді ұсынды.
«Қазақстан Халық партиясы» фракциясының депутаттары ана мен баланы дамыту мәселесін ұлттық басымдық деп жариялау және оған қатысты ұлттық жоба қабылдау қажет дейді.
Депутат Айжан Сқақова аталған сала бойынша көрсетілетін әлеуметтік көмектің жеткіліксіз екенін алға тартты. Айтуынша, адами капиталға инвестиция салу идеологиясына негізделген ана мен бала дамуына бағытталған түбегейлі жаңа көзқарас пен тұжырымдама қажет.
