Құрылыс материалдарының бағасы шарықтап барады. Ұлттық статистика бюросының мәліметінше әсіресе ішкі әрлеу жұмыстарына қажетті түсқағаз, бояу мен түрлі декоративті заттардың бағасы бір жылда 30 пайызға қымбаттаған. Өйткені оның басым бөлігі импорттық.
Бұдан бөлек, бетон 10, құм 9, керпіш пен тақтайшалар 5 процентке қымбаттады. Әрі құрылыс жұмыстарының құны да көтерілген. Сарапшылар бұл шаршы метр бағасының аспандауына әсер етіп жатыр дейді. Айтуларынша құрылыс материалдарының құны жыл соңына қарай тұрақталып сәл арзандауы мүмкін.
