Түркістанда «Digital Turkistan» тұжырымдамасы нәтижелі жүзеге асып келеді. Жоба аясында бірнеше қосымша жұмыс істейді.
Нақтырақ айтқанда, қаладағы қауіпсіздікті күшейту мақсатында 11 орында «SOS» шұғыл жәрдем батырмасы бар. Оқыс оқиға болған жағдайда көмек беретін батырма «Қожа Ахмет Ясауи» кесенесі, саябақтар, Кіші арбат пен Керуен сарай кешенінде орналасқан.
Сонымен қатар, 12 бағыт бойынша 81 автобус жолақыны “Е-билеттеу” жүйесі арқылы қабылдайды. Ал, тәулік бойы жұмыс істейтін «109» бірыңғай байланыс орталығына жыл басынан бері 90 587 мың өтінім келіп түскен.
