2022 жылғы 1 қарашадағы жағдай бойынша 15 637 этникалық қазақ тарихи отанымен табысып, қандас мәртебесін алды, деп хабарлайды Еңбек және халықты әлеуметтік қорғау министрлігі.
Қандастардың жартысынан көбі (65,2%) – Өзбекстаннан, 9,2% – Қытайдан, 8,8% – Ресейден, 8% – Түрікменстаннан, 4,8% – Моңғолиядан және 4% басқа елдерден келген.
Елге оралған этникалық қазақтар, негізінен, Алматы (28,1%), Маңғыстау (16,3%), Түркістан (8,7%) және Жамбыл (6,1%) облыстарына, сондай-ақ Астана (9%), Шымкент (6,9%) және Алматы (5,5%) қалаларына қоныстанды.
1 қарашадағы жағдай бойынша еңбекке қабілетті жастағы этникалық қоныс аударушылар саны 59,6%-ті, еңбекке қабілетті жастан кіші – 26,7%-ті және зейнеткерлер 13,7%-ті құрайды.
Еңбекке қабілетті жастағы қандастардың арасында білім деңгейі бойынша 16%-і – жоғары білімді, 39%-і – орта кәсіби білімді, 43,1%-і – жалпы орта білімді, ал 1,9%-інің білімі жоқ.
Жалпы 1991 жылдан бері республикаға 1 миллион 103,5 мың этникалық қазақ оралды.
